Skip to main content

Taro Root { Arvi } [Mardana Taqat ke liye Faidemand Sabzi]


Arvi ek mazedar pasandeeda sabzi hai jo ke jad (Root) ki sabzi hai. Hamare mulk me arvi khai jati hai aur uske patte phenk diye jate hain. Balke doosre countries me jahan arvi pai jati hai arvi ke saath uske patte bhi tal kar fry karke  khae jate hain joke mazedar aur faidemand hote hain. 


Ye Barsat ke Mausam ki sabzi hai
Ghizai Ajza(Nutrients) 
Arvi me nashasta(starch) aur
Vitamin C paya jata hai aur iska mizaj sard (thanda)  hota hai kuch Hakeem use na sard na garam medium likhte hain magar jab use alag pakaya jae yani sirf arvi sada hi pakaya jae to wo sardi ki taraf jati hai. Agar use gosht ke saath arvi gosht ki sorat me salan(curry) banakar pakaya jae to  uska mizaj medium hojata hai. 
Khasiyat Aur usse ilaj
  • Aravi ek mardana khurak hai. Ye mardon ke liye behad faidemand ghiza hai. Mani yani sperm ko gaadha karti  hai aur mardana taqat ko badhati hai.

  • Gurde kidneys ke duble pan ko khatam karti hai. 

  • Arvi ko salan banakar istemal karte rehne se insan mota hojata hai. 

  • Aurat agar arvi ka istemal kare aur wo maa hai to uska doodh badhta hai. 

  • Arvi blood pressure ko khatam karne ke liye ek kamiyab sabzi hai. 

  • Arvi skin problems me faida deti hai aur dry skin aur jhuriyon ko khatam karne me madadgar hoti hai. 

  • Peshab(urine) aur masane(bladder)  ke bimariyon me arvi ke salan ka istemal behad faida deta hai. 
Arvi pakane ka sahi treekha ye hai ke pehle use cheel kar namak lagakar kuch der ke liye rakh de. Uska pani nikal jane ke baad use dhole aur alag handiya me masaale waghera lagakar bhoon le. Uska shoorba banakar khana sahi nahi hai kyonke shoorba banakar khane se in bimariyon me faida nahi rehta. 
  • Usme dar cheeni (cinnamon) aur long(Cloves) zaror dalkar pakana chahiye. 

  • Arvi ka istemal Barsat ke Mausam me zyada karna chahiye. 

  • Arvi aanto(Intestines) ke dryness ko door karti hai. 

  • Arvi chest ke dryness ko bhi door karne me kaam aati hai. 

Side effects :

  • Arvi ko pakate waqt uske saath masaalon(Spices) ka istemal zarori aur lazim hai agar masaalon ka istemal na karenge to ye sudde paida karti hai.



  • Arvi balgham paida karti hai. 
  • Der se Hazam (digest) hoti hai aur gasses paida karti hai. 
  • Wo log jinko pet ki bimariyan hain ya gasses ka problem hai ya khansi hai wo arvi ka hargiz istemal na kare. Aese log aalo aur kachalo bhi khane se parhez karna chahiye. 
  • Wo log bhi jinko gasses ka zyada problem hota hai arvi ka istemal na kare. 
  • Kali mirch(black pepper), ajwaen, zeera aur anar dana ke saath arvi ko pakane se ye jald hazam digestive hojati hai. 


Dear friends! Agar aapko kisi cheez se faida ho to acchi baat hoti hai ke wo apne dost ya rishtedaro ke saath share kare. Mujhe ummed hai ke is post se aapko kuch na kuch faida puhuncha hoga. Ab isko share karna aapki zimmedari hai kyonke kehte hain ke "sharing is caring "

*Nisar*
Labels:

Comments

Post a Comment

Popular posts from this blog

Kin kin Mahino Mein Kaun Kaun si Sabziyan Paida Hoti Hain [ In which month, which vegetables will be grown ]

Mausam ke hisab se Hamare Mulk mein 3 Mausam hote hain. Mausam e Garma- (Summar) Mausam e sarma- (winter) Mausam e Barsaat- (Rain)  Aur in Mausamon Mein Jo sabziyan kasht ki aur paida ki Jati Hain wo neeche Diye gaye mahino mein Paida hoti hai. Mausam e Garma : Maidani ilaqoon me January se April aur pahadi ilaqoon me March se May tak sabziyon ko ugaya jata hai.Ye mausam e garma ki sabziyan kehlati hain. Mausam e Sarma : Maidani ilaqoon me July se November  aur pahadi ilaqoon me February ki baraf bari khatam hone ke bad april me paida hone wali sabziyan mausam e sarma ki sabziyan kehlati hain.  Mausam e Barsat : Maidani ilaqoon me july se august tak aur pahadi ilaqoon me is mausam me sabziyan paida  nahi hoti. Garma ki sabziyan aakhir me mausam e barsat ki sabziyan bhi kehlati hain. Kin Mahino me Konsi Sabziya Paida Hoti Hain. January : Ye patjhad ka bhi mausam hota hai jab aalo(putato) ki kheti...
1 comment
Read more

Cabbage Benefits and Nutrients | bandh gobhi ke faide aur nuqsan |

Cabbage ya Band gobi jise hamare yahan patta gobi bhi kaha jata hai ye sabzi ek qism ka saag hai use aksar sookha tal kar roti ke saath khaya jata hai hamare yahan ye subuh ke naashte ki sabzi hai aur aksar cabbage ko kacchi halat me salad me khaya jata hai joke acchi maloom hoti hai aur mazedar bhi hoti hai. use qudrat ne ajeeb tuhfa banaya hai. Isme parat dar parat patte lipte hote hain jo ke ball ki tarah hojate hain. Nutrients ( Ghizai Ajza ) Namkiyat aur vitamin B-H-C-E iske nutrients hain aur iska mizaj garam hota hai  Khasiyat (Benefits) aur usse ilaj Cabbage me behad kam nutrition hota hai aur ye koi umda ya bahut hi faidemand sabzi nahi hai. Ise alo waghera ke saath hargiz paka kar na khaen balke use gosht ke saath paka kar khana faidemand hoga use ghee aur adrak ke bagher hargiz na paken aur na khaen. Cabbage balgham banne se rokti hai  mardana taqat me behad mufeed hai aur masudu ke liye bhi ye ek faidemand sabzi mani gai hai is ...
Post a Comment
Read more

Insani Khuraak [Human's Food]

Khuraak Food se insani jism ki banavat ka gehra naata hae .insani jism par jese Pani,Hawa aur mulk ke asarat hote hain hum par food bhi aese hi asar andaz hota hai. Hamare bas me nahi ke hum mulk aur pani wo hawa ko badal sake aur hum aesi zameen pani wo hawa me zindagi basar karne par majboor hote hain. job, property aur business, education ya maa baap ka saath hame ek hi jaga par rehne par majboor karta hai. Bunyadi Khuraak [Basic Food]:    Insan ki bunyadi khuraak hain Gandum(gehu),   Chana, Daalen(lentils) aur Chawal(Rice) Upar jo food ya khuraak batlaya gaya hai wo to bilkul zaroori hai magar hamen apne mazey,taste aur Health ke liye bhi kuch doosre foods ki bhi zaroorat hoti hain ya yoon ke kuch foods aese bhi hote hain jinhe dekh kar ji lalchata hai aur insan unhe khane par majboor hojata hae un me phal aur sabziyaan wo mewa fruits sub se ahem hain. Insan pehle soncha karta tha ke bunyadi khurak basic food ko chod dena aur unko khane me susti...
Post a Comment
Read more