Skip to main content

Guffaon (caves) Me Rehne Wale insano Ki Sehat ka Raaz Kya Tha




Scientists ki ek team ne ghaaron aur gufaon(caves) me rehne walon ki food habits yani khane pine ki aadato ka pata lagane ke liye ek nai research shuru ki hain.

Scientists asal me bahut purane daur ke un insano ki ghiza khane ki aadaton ka pata lagane ki koshish karrahe hain jo ke unke according 2.5 millions se lekar 12hazar saal pehle tak ghaaron gufaon me raha karte the.

Scientists is research se ye maloom karne ki koshish karrahe hain ke ab se Qareeb 12hazar saal pehle tak shikar karke guzar basar karne wale insan kis tarah ki chizen khata tha aur sehatmand healthy rehta tha take un chizon ko ab hamare foods me istemal karke hamari ghiza ko bhi faidemand aur energy se bharpoor banaya jasake.

Medical research team

Researchers ki is team me Genetics, Humanities, Nutrition science aur Plants ke specialists shamil hain. Ye research international mashor company Unilever ki taraf se shuru karai gai hai. Is research team ke incharge Dr Mark Berry ne kaha hai ke “ hamari koshish hai ke is daur ke insano ke liye zyada healthy nutritious food tayyar kya jae jo ke gufaon aur caves me rehne walo ki ghiza ki tarah ho”.

Is research ke results batate hain ke purane zamane ke insan Sabziyan, Fruits, alag alag type ke badaam, paodon ki jaden aur gosht khaya karte the. Jabke unki ghiza me Agricultural commodities, aalo , Roti aur doodh bilkul shamil nahi tha.

Specialists ka kehna hai ke kheti baadi ke zamane ki shuruaat yani taqriban 10hazar saal se insano ki khane pine ki aadato me pher badal hota aaya hai aur logon ne kam se kam prices me milne wali ghizaon ka istemal shuru kardiya hai.

Lambi umar behtar hai ya healthy life

University College London ke professor Mark Thomas ka kehna hai ke “purane zamane ke insano ki umar shayad naye zamane ke insano se kam hoti bhi hoon magar wo kabhi bhi kharab ya nuqsan wali ghiza ke istemal se nahi marte the. Gufaon aur ghaaron me rehne wale insano ki ghiza me sub se zyada Hari chizen ya Sabziyan aur paode shamil hote the. Presently hum koshish karte hain ke har roz kam se kam char panch type ki sabziyan aur fruits ka istemal kare magar purane zamane ke log sabziyon me se kam se kam 20 se 25 types ke sabziyan rozana istemal karlete the”.



Dr Mark Berry kehte hain ki “Jistarah sub ka manna hai ke purane zamane ke log non vegetarian the aur sirf gosht khaya karte the magar sacchai uske against aur uske khilaf hi hai.
Sacchai to ye hai ke us waqt ke insan sirf un Sabziyon aur paodon par guzara karte the jo unhe aasani se miljate the aur wo log jadi bootiyon se machli aur gosht ko zyada dino tak istemal karne ke qabil banalete the. Un logon ke favourite foods me wild berries aur jangli ber hua karte the. Zarori nutritional energy ko hasil karne ke liye wo machli fish ko khya karte the aur pulses yani daalon se unko extra protein hasil hojati thi”.

Scientists ka kehna hai ke purane zamane ke insan is zamane ke logon ki tarah ghiza ki zarorat ko pora karne ke liye anaj ko ahem cheez nahi mante the balke wo log jo foods ka istemal karte the usme hamare against carbohydrates aur fats yani charbi bahut hi kam hoti thi aur Sabziyon se unhe zyada se zyada vitamins miljate the.

University College London ke Professor of Evolutionary Geneticist Dr Mark Thomas ka kehna hai ke purane zamane ke insan hum se bahut zyada healthy foods khaya karte the.

Gufaon (caves) me rehne wale Non vegetarian nahi the


  • Is se pehle bhi is bare me ki jane wali researches se pata chala tha ke pehle ke zamane ke logon me zyada khalene se hone wali bimariyan jaise ke type2 diabetes, Motapa, Dil aur khoon ki bimariyan nahi hoti thi.

  • Professor Thomas ka kehna hae ke 10hazar saal pehle insano ko agarche doodh miljata tha magar wo use digest yani hazam nahi karpate the jabke is zamane me hum doodh ka aur usse bani chizon ka istemal bahut karte hain aur hamara digestive system bhi isi tarah ban gaya hai. Aur ek baat ye bhi kehte hain dr thomas ke purane zamane ke log jis tarah ki Sabziyan aur paode khate the wo ab ki Sabziyon se bahut alag hua karti thi.
  • Mera manna hai ke hame bhi un logon ki tarah se healthy rehna hai agar to hame chahiye ke hum ye sub faltu chizen artificial foods pizza burgers fatty foods ko chod kar Sabziyan aur phal fruits ka istemal zyada se zyada karen aur ek acchi aur healthy life guzaren

*Nisar imran*
Labels:

Comments

Post a Comment

Popular posts from this blog

Kin kin Mahino Mein Kaun Kaun si Sabziyan Paida Hoti Hain [ In which month, which vegetables will be grown ]

Mausam ke hisab se Hamare Mulk mein 3 Mausam hote hain. Mausam e Garma- (Summar) Mausam e sarma- (winter) Mausam e Barsaat- (Rain)  Aur in Mausamon Mein Jo sabziyan kasht ki aur paida ki Jati Hain wo neeche Diye gaye mahino mein Paida hoti hai. Mausam e Garma : Maidani ilaqoon me January se April aur pahadi ilaqoon me March se May tak sabziyon ko ugaya jata hai.Ye mausam e garma ki sabziyan kehlati hain. Mausam e Sarma : Maidani ilaqoon me July se November  aur pahadi ilaqoon me February ki baraf bari khatam hone ke bad april me paida hone wali sabziyan mausam e sarma ki sabziyan kehlati hain.  Mausam e Barsat : Maidani ilaqoon me july se august tak aur pahadi ilaqoon me is mausam me sabziyan paida  nahi hoti. Garma ki sabziyan aakhir me mausam e barsat ki sabziyan bhi kehlati hain. Kin Mahino me Konsi Sabziya Paida Hoti Hain. January : Ye patjhad ka bhi mausam hota hai jab aalo(putato) ki kheti...
1 comment
Read more

Cabbage Benefits and Nutrients | bandh gobhi ke faide aur nuqsan |

Cabbage ya Band gobi jise hamare yahan patta gobi bhi kaha jata hai ye sabzi ek qism ka saag hai use aksar sookha tal kar roti ke saath khaya jata hai hamare yahan ye subuh ke naashte ki sabzi hai aur aksar cabbage ko kacchi halat me salad me khaya jata hai joke acchi maloom hoti hai aur mazedar bhi hoti hai. use qudrat ne ajeeb tuhfa banaya hai. Isme parat dar parat patte lipte hote hain jo ke ball ki tarah hojate hain. Nutrients ( Ghizai Ajza ) Namkiyat aur vitamin B-H-C-E iske nutrients hain aur iska mizaj garam hota hai  Khasiyat (Benefits) aur usse ilaj Cabbage me behad kam nutrition hota hai aur ye koi umda ya bahut hi faidemand sabzi nahi hai. Ise alo waghera ke saath hargiz paka kar na khaen balke use gosht ke saath paka kar khana faidemand hoga use ghee aur adrak ke bagher hargiz na paken aur na khaen. Cabbage balgham banne se rokti hai  mardana taqat me behad mufeed hai aur masudu ke liye bhi ye ek faidemand sabzi mani gai hai is ...
Post a Comment
Read more

Insani Khuraak [Human's Food]

Khuraak Food se insani jism ki banavat ka gehra naata hae .insani jism par jese Pani,Hawa aur mulk ke asarat hote hain hum par food bhi aese hi asar andaz hota hai. Hamare bas me nahi ke hum mulk aur pani wo hawa ko badal sake aur hum aesi zameen pani wo hawa me zindagi basar karne par majboor hote hain. job, property aur business, education ya maa baap ka saath hame ek hi jaga par rehne par majboor karta hai. Bunyadi Khuraak [Basic Food]:    Insan ki bunyadi khuraak hain Gandum(gehu),   Chana, Daalen(lentils) aur Chawal(Rice) Upar jo food ya khuraak batlaya gaya hai wo to bilkul zaroori hai magar hamen apne mazey,taste aur Health ke liye bhi kuch doosre foods ki bhi zaroorat hoti hain ya yoon ke kuch foods aese bhi hote hain jinhe dekh kar ji lalchata hai aur insan unhe khane par majboor hojata hae un me phal aur sabziyaan wo mewa fruits sub se ahem hain. Insan pehle soncha karta tha ke bunyadi khurak basic food ko chod dena aur unko khane me susti...
Post a Comment
Read more